Cosas de bruixas

Ixo podriz pensá de viyé que el blog no ha feto patas en estes meses. Pos en la escuela no hen parau; el que pasa ye que entre unas cosas y atras, no me ha vagau de escribí per aquí.

El zagué que von fé ye sabé una miqueta més de cómo son las bruixas.

Es més chicoz van pintá y recortá uns debuixos ta fé uns murals:

Es grans, que les fa abundante goi toquineá es ordenadós, van emplegá es suyos debuixos ta aprestá uns powerpoints. Podez viyé beluns a continación:

 

 

 

 

 

Cuentos de bruixas, princesas y atras delerias

Ya fa diyas que von acabá las clases d’aragonés, pero encá tenebe cosetas ta fé una zaguera entrada. Es borches van discurrí bels cuentos con uns presonaches y lugás que les voi decí. Bruixas, prencipes, princesas y dragóns se van apasiá pe’l castiello de L’Ainsa, el dolmen de Tella y basta per bel ibón ta capuzase con la calor.

Que pasez buen verano y ¡a plantá fuerte!

01

02

03

04

05

Cuerpos

¿Sabez que nusatros tenén crabacín, caixals, mans y clavillás? Y més cosas que se viyen en es debuixos.

Fendo matematicas

L’atro diya nos van fé una vesita Ángel y Toche. Els son «A Chaminera» y van vení con el «Proyeto d’animación arredol d’a luenga y la cultura aragonesa». La suya atividá se diz «Fendo matematicas», y ye un taller ta aprendé matematicas con chuegos, cancións, adovinetas…

Astí tenez unas fotos con es borches que fan aragonés.

01

02

03

04

¿Quí ye quí?

Cuan empecipiaba el curso es borches d’aragonés se van fé un chuego ta ellos que se diz «¿Quí ye quí?». Tiens que está dos ta chugá, y cal adoviná l’animal que se le entrefila a l’atro. Si quies fétene un, puez baixate lo preziso de aquí. Tiens basta una caixeta ta replegate toz es animals.

¿Cómo se chuga? Bien fácil. Primé espardes es bichos per la mesa. Dimpués vas fendo preguntas una dezaga d’atra, a las que sólo pueden decí «sí» u «no»:
¿Tiene coda?
¿Tiene orellas?
¿Ye gran?

Seguntes el que diga l’atro, vas replegando es animals que veigas que no cumplen con el que preguntes. Cuan sepas seguro cualo ye l’animal de l’atro, el dices. Si enciertas, ganas, y si no, pierdes la vez.

Animals

Os bichos de «Quí ye quí»:
auca, petré, zapo,teixón, paniquesa, ixingardana, bobón, güella, saltapraus, can, berigüeta, apaput, chizardo, rabosa, limaco, coniello, pulz, gurrión, relemeco, mixín, babieca, aliga, falcón, craba.

Olga

Apegallos

L’atro diya von tené en la escuela la muestra «30 añadas d’apegallos en luenga aragonesa» de Chorche Paniello.

apegallos1

Como nos va meté la pulz dezaga de la orella, nusatros tamién en feto belunas.

01

05

02

061

03

07

04

081

Carnavals

Ya fa bel diya que se van acabá es carnavals de Sobrarbe. Nusatros von conoixé es presonaches que salen ta la carrera ixes diyas en es lugás de las vals d’alto. Astí son bels debuixos en tres dimensións que von fé entre toz. ¡Nos fa goi el carnaval!

trangas, muyens
madamas

Liedra, madama

tranga, peirot

caballet