Continán publicando més materials ta que puedan emplegalos atros docéns. En este caso ye un cuaderné con atividaz sencillas sobre la primavera. Como siempre, son disposables dende la seción de materials didáticos.
Que milló que fé un mural d’es nuestros lugás en el cual se puede aprendé vocabulario del entorno. ¿Cuál tos fa més goi? ¿Saravillo, San Chuan, Plan, Bielsa, A Espuña u Chistén?
Este curso mirarén de rematá un mural d’es nuestros lugás que nos valdrá tamién ta repasá vocabulario. ¡De momento ya leván buena marcha!
Aprovechando qu’heben estau troballando con fauna y flora, y que tenén a man el libro d’Alfonso Ferrer sobre la val de Chistau, hen estau fendo uns murals en las escuelas con las fotos que nos h’amprau. ¡Ya tenén més decoradas las clases!
Fa diyas que querrebe colgar esta entrada, pero no me vagaba per una cosa u atra. Ta empecipiar el trimestre von fer debuixos de vocabulario referiu a l’hibierno de bela traza. Astí van es resultaus d’es artistas.
Las cartas que tos contaben l’atro diya tamién han saliu en el suplemento escolar del Diario del Alto Aragón. ¡No parán d’estar noticia! 🙂
No ye la primera vez que troballo es sers vivos con este chuego de cartas, y la verdá ye que funciona de pistón. Pues troballar vocabulario, y caraterísticas de animals, plantas, fongos de la zona d’una traza divertida. ¡Belún basta se’l leva ta las cursas que fon!
El curso ya ye rematau ta’s borches. Con el proyeto de las plantas hen montau una esposición de plantas de la ribera del Ara. L’atro diya von fer una cursa per un camín y von conoixer las plantas que creixen al canto del río. Con las fuellas que von replegar,…
Pos sí, ya son per las nuestras clases atra vez ixes dos matracos. Agora con el estudio en forma de tesis de las suyas investigacions con la capoleitor, esta vez en la versión 4000. Si tos alcordaz, a comencipiadura de curso von acabar uns murals que troballaban vocabulario del nuestro…
Si tos alcordaz, el dotor Escrabazinau fa años que va inventar una maquineta que dichitalizaba tot lo que le meteba. Pos con ixes materials replegaus per toz es nuestros lugars, en primaria hen feto uns murals que’s representan. Asinas, hen puisto viyer parolas del nuestro entorno: petadera, pollín, balandiador, pella,…
