Es mostruos y es meses

Ya feba tiempos que no teneben noticias d’es mostruos charramplas, pero a la fin han allegau. En esta ocasión nos cuentan refráns con es meses de la comencipiadura de l’año.

Este trimestre hen estau troballando es carnavals del CRA. Tenén la suerte de viví en lugás con celebracións prou diferéns seguntes la zona, asinas qu’hen puisto fé cosas a sabelo. Estiaño amés contaben per primer vez con información sobre el carnaval tradicional d’A Espuña, con lo que hen puisto conoixer es suyos presonaches, De momento aquí podez viyé es murals qu’han pintau en cada escuela.

Cuentos de Cadiera: Os navateros

Atro cuento de la nuestra coleción. Os navateros ye una historia de la escuela d’A Espuña en el que nos cuentan las aventuras d’uns navatés baixando pe’l río.

Ya ye a la venta en la nuestra tienda punchando en la portá del cuento. Si metes el código LULU15 cuan fayas el pediu, tendrás un 15% de descuento.

Cuentos de Cadiera: Es lacuercos

Continán publicando cuentos. En este caso, un de la escuela de San Chuan que nos cuenta per qué van tené que cambiá de puesto el lugá ya fa a sabelo d’años.

Como ya tos podez pensá. ye a la venta en la nuestra tienda punchando en la portá del cuento. Si metes el código ONESHIP cuan fayas la tuya compra, puez conseguí gastos de ninvio de baldes con correu económico, u al 50% con correu terrestre.

Diya internacional de la luenga materna

Cuentos de Cadiera: El Siñó de San Chuan

Aquí tenez atro cuento més de la coleción: El Siñó de San Chuan. Nos cuenta una historia real, en la que fa cientos d’años un noble del lugá abusaba de la chen con el podé que teneba.

Ya ye a la venta en la nuestra tienda punchando en la portá del cuento. Amés, estes diyas i hai un 15% de descuento con el código LULU15.

De momento, la coleción ha recaudau 145 euros, que von a destiná a las ONG “Proactiva open arms” y “SOS refugiados”. ¡Mersi a toz es que han colaborau!

Cuentos de Cadiera en la Ferieta de L’Aínsa

Como cada año, el CRA Cinca-Cinqueta será en la Ferieta de L’Aínsa vendendo artesanías ta recaudá fondos ta Pro Activa Open Arms y Sos Refugiados.

Podrez trobá el que viyez en la foto y abundantes cosas més, como tazas de desayuno o es Cuentos de Cadiera que van fé es borches del CRA. ¡Nos viyén el domingo de maitín!

Cuentos de Cadiera: La suerte del mercadé

Arriba un cuento de la escuela de Saravillo: La suerte del mercadé. Ye la historia d’un mercadé que rodaba per tot Sobrarbe y emprende cara ta la Val de Chistau con el burro cargau de trastes ta vendé.

No cuento que calga recordalo, pero se pue conseguí en la nuestra tienda punchando en la portá del cuento. Estes diyas te’l mandan de baldes con correu económico u con un 50% de descuento si se fa con ninvio terrestre. Emplega el código ONESHIP. Toz es beneficios de las ventas serán ta una ONG.

Cuentos de Cadiera: El sastre y el muxón

Un nuevo cuento a la venta de la nuestra coleción: El sastre y el muxón. En tiempos i heba sastres que marchaban a cusí ropa per estes lugás, y de cabo a cuan les pasaban cosas pe’l camín.

Como siempre, puez conseguilo en la nuestra tienda punchando en la portá del cuento. Amés, estes diyas i hai un 15% de descuento con el código LULU15. Recuerda que toz es beneficios de las ventas serán ta una ONG.

Es Cuentos del CRA son noticia

En las zagueras semanas una caterva de medios de comunicación s’han feto eco de la coleción “Cuentos de Cadiera” que von fé en en las clases d’aragonés: pedioricos, radios, webs… Aquí podez sentilos y viyelos toz.