Continán publicando més materials ta que puedan emplegalos atros docéns. En este caso ye un cuaderné con atividaz sencillas sobre la primavera. Como siempre, son disposables dende la seción de materials didáticos.
Fa diyas que querrebe colgar esta entrada, pero no me vagaba per una cosa u atra. Ta empecipiar el trimestre von fer debuixos de vocabulario referiu a l’hibierno de bela traza. Astí van es resultaus d’es artistas.
Es mayestros que itineran a veces se troban con empentizos en el camín. Este lunes tocaba puyar ta Chistén, pero con el nevazo qu’heba caito, va estar fayena imposible. Ni con sacanieus, ni con cadenas ni con cosa. La curva Sacos va estar la fin de la cursa…
Con estas anvistas en las escuelas, ¿qui no va a querer dir a troballar? 🙂
Y con este calandario, ya tenén cubierto l’año en toz es lugars. Puncha en la foto ta baixártelo. Per cierto, este cabo de semana son es carnavals de San Chuan. ¡A fer borina per ixas casas!
Ya cuasi son toz…
Aquí tenez el calandario de Saravillo. Ta baixarlo, como siempre: punchando en la foto.
El calandario d’es borches de Bielsa. Como es altros, cal punchar en la foto pa baixárselo. Dimpués tos toca ubrir es 3 foratez d’abaixo con una cuchilleta, recortar las pestañas d’alto, y ficarlas ta’entro pa que se tienga.
Aquí va o calandario d’A Espuña. Puncha en a foto pa baixártelo.
Allegan una mica tarde, pero aquí son es calandarios que han feto es borches de cada un d’es lugars del C.R.A. Ya que es que regalan en cabo d’año no meten las fiestas nuestras, nos hen feto uns que sí que las levan. El primer de toz, como ya hen…
