En Espiello

Ayer von estar en la proyeción d’es nuestros curtos en la seción Cachimalla d’Espiello. Lo primer de tot va estar la entrega de premios de Chiquiespiello. Silbán, Lucía y Carlos van quedar finalistas, asinas que cal felicitarlos.

A continación von viyer es tres videos que yeran programaus. El nuestro va gustar abundante, y von salir a comentarlo una miqueta con es espetadors de la sala. Ta rematar el maitín, Encantarias va fer una animación infantil, con lo que se nos va pasar el rato en un volau.

La clica en Espiello

La semana que viene empecipia Espiello, el festival  de documental etnografico de la comarca del Sobrarbe. El sabado diya 20 d’abril, a las 11:55, en la seción CACHIMALLA adedicada a’s més chicoz. se proyetarán es curtos que von fer el curso pasau. Estará el montache final, con las introducions  que hen grabau ta achuntarlos toz en un dvd que s’aprestará ta este trimestre.

Punchaz en el cartel si querrez viyer tot el programa del festival.

cartel-2013

L’hibierno

Ya’l hen pasau, anque encara nos quedará bel diya per astí que faya mal orache. Pero no tot ye malo en l’hibierno. Si no, que le’n pregunten a’s borches d’infantil, que s’han pasau el trimestre fendo un cuadernet sobre esta estación del año, y els siempre troban cosas buenas a estes meses de fredor.

“Cheleras de verano”, trigau en las XVIII jornadas de cine “villa de La Almunia”

El curto que van fer el curso pasau es borches de la escuela de Saravillo ha estau trigau ta participar en las XVIII jornadas de cine “villa de La Almunia”. Este evento ye organizau per la Asociación Florián Rey de La Almunia de Doña Godina, y se celebrará del 3 al 11 de mayo. ¡Fa goi viyer reconoixiu el troballo d’es ninos con cosas como estas!

Son fendo comics

L’año pasau ya me rondaba la idea pe’l crabacín, y a la fin, voi emplegala ta’l diya de la paz. Latón man va presentase en sociedá en una de las atividaz que von troballá en A Espuña toz es borches del C.R.A. Estiaño continán en clase las aventuras d’este heroe tan particular, pero basta que acabén de pintá y apegá es bocadillos, deixán la primera aventura disposable. Diz punchando…
 

Las vilás ta’s borches de la Val de Chistau

Este viernes tenén la tarde ocupá en Chistén. La Chunta Cultural Las Fuens nos fará un chicolate con torta ta brendá toz es borches de la val, acompañaus d’es suyos pais, mais, payes, mayes… y tot el que quiera acudir.  Dimpués es més güelos nos farán bel cuenté d’ixes d’antes, ta continá con la peliculeta que hen feto en las escuelas. No tos pensez que serán solo las historias de la fin del curso pasau, que ara va tot ligau con atuacions d’es escolanos de primaria entre medio. Veniz a viyelas, que de seguro tos ne redirez. Ta rematá la tarde, podrén viyé la pelicula “Arthur y es minimoys”.

Ya’l sabez, si querrez calentá el cuerpo este viernes, puyázosne ta la casa del lugá de Chistén. Alí tos esperán. Per cierto, que esta ye la entrada numero 100 en el blog. Qui diría que i diben a da tanta guerra…

 

Cartel

Enronaus de nieu

Ayere va está un diya complicau ta’s que nos toca rodá de lugá en lugá a da las nuestras clases. Con el nevazo que va cayé, a viyé qui yera el guapo que puyaba ta Chistén dinantes de que pasase el sacanieus… Pos yo, ¡que se vei que me fa goi esvolotame en la nieu con el coche!

A la fin va está una cursa bien pincha, y se me va pasar pe’l crabazín de grabalo con la camara, anque ya baixando, que la carretera yera una miqueta més limpia dimpués de pasá la maquina (anque no’l paixca).

Maitín, y con este panorama, tenén San Antón. Caldrá mirase belas moletieras ta marchá a trucá per las carreras. Es borches esta tarde ya ensayaban y afinaban, ta que maitín vayán toz al mismo son. Tot será que con ixe talaquerío nos caiga bel tempanal d’es tellaus…

San Chuan

El malur de las mulas

Cuentan que fa tiempos i heba una casa mui rica. Teneban abundantes caballerías en las suyas bordas, pero toz es años, la nuet de la misa de gallo, se les moriba la milló mula. Fartos d’aquel esconchuro e sin saber que fer , un criato se quedó amagato dezaga de un truxato a viyer si podeba saber que pasaba ixa nuet.

Malur01

Al rato amanixió un gato negro, que aspaciet, s’arrimó ta una mula e se’n puyó ta la suya lomera. El criato sintió que el mixín deciba:
– Ya’l siento pobreta, pero no tiengo més remedio que matarte…
Alavez, d’un blinco, l’hombre salió del amagadero. Prenió un tocho e le soltó un cinglazo al gato en la pata. La mula se salvó, encara que l’altro animalot podió escapar.

Malur03

A l’atro’l diya, cuan marchó ta la cocina a almorzar , sintió que deciban que la güela de casa no s’heba puisto devantar , que marchaba coixa con una nafra que pa qué en la canilla. Al criato se le cheló la sangre. La viella de casa yera una bruixa…

Malur02