Una colla d’animals arriban a un campo an una entrenadora les diz de chugar un partiu. Vídeo de 2º de primaria de l’Asunción Pañart.
Este sabado, la Clica del Cinca-Cinqueta en Utopías educativas
El sabado a las 10 en l’edificio Etopía de Zaragoza serén en la trobada “Utopías Educativas“. Presentarén la esperiencia “Cuentos de cadiera” que von levar a cabo en el segundo trimestre en las clases d’aragonés.
Compartirén la chornada con decenas d’atividaz educativas d’atros compañers, de las que asperán poder sacar nuevas ideas ta’l nuestro CRA.
Es mostruos charramplas minchan fruta
En el tercer trimestre es mostruos charramplas s’han adedicau a recopilar vocabulario de frutas de la zona. Astí tenez bels ixemplos. ¡Lastima que no se puedan minchar!
A liga de segundo
El curso pasau, uns borches del curso de 2º de primaria del Asunción Pañart se van trobar unas piedras preciosas en el bosque. Si querrez saber lo que va pasar, mirazos el vídeo.
O castiello d'as fantasías
Segundo vídeo feto per es borches de 1º de primaria en el CEIP Asunción Pañart en L’Aínsa. Un caballero lladre mira de robar el tesoro del reino.
Un viache a Estaus Chunius
Dimpués d’un curso de parentesis, con este vídeo empecipián es estrenos online d’es nuevos curtos del proyeto “Cine en aragonés“. Son peliculas que von fer el curso pasau en el CEIP Asunción Pañart con es cuatro grupos de primaria. La primera que podez viyer son cuatro borches que se’n van de cursa ta Estaus Chunius y les pasan cosas a saberlo. Per cierto, ¡que ya fon es vídeos en Full HD!
Es cuentos de cadiera, trigaus ta estar en "Utopías educativas"
Un año més, el CRA Cinca-Cinqueta será presén en la trobada “Utopías Educativas” con es”cuentos de cadiera”. La atividá que hen feto en el segundo trimestre ha estau trigada como esperiencia ta formar parte del programa de este evento de carácter nacional que se celebrará entre el 26 y 27 de mayo en Zaragoza.
Ta’l que no conoixca Utopías educativas, tos meto la descrición que fan en la suya web: “El Encuentro UTOPÍAS EDUCATÍVAS es un evento anual destinado a la presentación e intercambio de “Experiencias de Innovación Educativa” y un espacio de encuentro para los docentes. La IV edición se realizará en colaboración con Centro de Arte y Tecnología ETOPIA, Fundación Zaragoza Ciudad del Conocimiento y el Ayuntamiento de Zaragoza.”
Es maletíns del cuerpo, en El Diario del Alto Aragón
Nos heben espiguardau y resulta que fa un mes el Diario del Alto Aragón nos va adedicar un rinconé en el suplemento escolar. Van charrar d’es maletíns del cuerpo humano que von fer en el primer trimestre. Si punchaz en la foto, podrez viyer la pachina del periodico.
Trimestre de cuentos
Ya se uloran las vacancias y per aquí son rematando lo que queda de fayenas de primaria. Este trimestre hen troballau con la tradición oral d’es nuestros lugars. Hen aprestau ilustracións d’es cuentos que se feban en tiempos en las cadieras, mirando de recuperarlos. Como podez viyer, tenén una ripa d’artistas en las escuelas. ¡Asperán podezos dar més noticias d’este proyeto en poco tiempo!
Entrevista en Espiello
Aquí va la entrevista que nos van fer a Yolanda y a yo en Espiello el sabado pasau. ¡Bien repantingaus! Per cierto, de nuevo dan las gracias al festival per dar visibilidá al troballo que fon en aragonés en las aulas de las escuelas de Sobrarbe.