Ya leván uns años que s’ha metiu de moda la celebración de Halloween ta’s ninos (y es no tan ninos). Que si se disfrazan, que si replegan lamins, que si se fan crabazas con velas dentro… Total, que resulta que belas cosas d’ixas ya se feba per es lugás del Somontano ta Toz es Santos. El mierqueles en Radiquero tornan a celebrá la noche de las animas, con las suyas almetas, con es suyos totons y con las suyas crabazas, que no faltan.

Nusatros hen aprovechau las suyas historias ta conoixé es costumbres que i heba per ixes puestos, y de paso, chugá a una especie de chuego de la Oca que han feto con las almetas. A la fin resultará que la fiesta ixa de Halloween tamién ye nuestra. Per si ancaso, les he dito a’s borches que pregunten en casa a’s suyos güelos, a viyé que cosas podén conoixé del que se feba per aquí: cuentos, costumbres,… No tot tiene que está el que nos traigan es ingleses u americanos…