En el C.R.A. ya son de vacancias, que ya caleban. A viyer si cargán pilas y de paso, rematán fayenas pendients, que no tos pensez que ye estar to’l diya en la mosquera. Que pasez buens diyas y no minchez desmasiau, ¡que dimpués no tos valdrá la ropa!
Ixe soi yo
Ya casi son de vacancias, asinas que cal arrocegarse ta casa lo que’n feto en clase este trimestre. Es borches d’infantil se levan un maletín bien picho, con els dentro plegaus. D’ixa traza hen visto como se dicen belas partes del cuerpo en aragonés. La pena ta’s pais ye que no puedan fer igual, replegar a’s suyos fillos en un maletín cuan no fan so que moltiar per casa…
La clica del Cinca-Cinqueta, premiada con el Siñal Espiello Chicorrón 2014
Dende la comarca del Sobrarbe nos han feto allegar una carta an nos comunican que nos han concediu el Siñal Espiello Chicorrón en la edición 2014 de Espiello, el Festival Internacional de documental etnográfico del Sobrarbe.
Seguntes nos dicen, ye un “reconocimiento a la labor de recuperación y dignificación de la lengua aragonesa así como su difusión entre los niños de nuestra comarca, utilizando la tecnología y los medios audiovisuales para adaptarla a nuestros días“.
La entrega del premio se fará el sabado 12 d’abril en el palacio de congresos de Boltaña, asinas que alí serén toz es que podián ta replegarlo. ¡Norabuena a’s borches!
Soz convidaus…
“La Fundación Zaragoza Ciudad del Conocimiento y Etopia Center for Art&Technology, en colaboración con Ars Electronica y el Ayuntamiento de Zaragoza, le invitan a asistir a la ceremonia de entrega de los Premios Paseo Project 2013, que tendrá lugar en el auditorio de Etopia el jueves 19 de diciembre de 2013 a las 19 horas“.
Adovina a qui se minchan esta nuet
No sé cómo se las apañan estes borches de Bielsa, pero siempre que marchan ta Pineta, se meten en un embordiello…
El CRA La Sabina y el IES Pedro de Luna, ganadors del “Encuentro de escolares” del Festival de cine de Zaragoza
Dend’aquí felicitán a’s compañers d’estes centros, qu’han ganau con es troballos que podez viyer aquí abaixo. ¡Norabuena!
Categoría de Secundaria
– Enredados de Ricardo Huerga (IES Pedro de Luna)
Categoría de Primaria
– Y tú ¿cómo lo ves? de Mar Rodríguez (CRA La Sabina)
L’año que viene més, que’l que la sigue, la consigue. 😉
A espluga asesina
Güe ye o turno d’a escuela de Laspuña y o suyo video. Paraz cuenta cuan vayaz per ixas esplugas…
Es diplomas de finalistas
Aquí van unas fotos d’es diplomas de finalistas en el Festival de cine de Zaragoza. ¡Norabuena a’s borches! Agora nos queda asperar a viyer el fallo del churau…
Lugar de escaixalaus
Entremistanto rematán es videos que faltan de editar, ta que la espera se faya més curta, von a dir sacando es que ya son prestos. El primer, el de la escuela de Saravillo. Como nos cuentan, cal cudiarse es dients cuan un ye encara a tiempo.
Este sabado, cine de la clica en Zaragoza
Ya tenén es diyas que se proyetarán es curtos del “II encuentro nacional de escolares” del Festival de cine de Zaragoza. Van a fer dos sesions, una el viernes 15 y atra el sabado 16 de noviembre. Es nuestros curtos se verán el sabado de maitins a partir de las 11:30 AM en el Centro Cívico Teodoro Sánchez Punter.
Toz es curtos finalistas recibirán un diploma acreditativo, asinas que si toz animaz belún a pasazos per Zaragoza, podrían pasar a replegarlos es borches ta que les den abundantes aplausos.
