En el numero d’este domingo del Diario del AltoAragón va salir una entrevista sobre es videos que fon en el C.R.A. Tos deixo el pdf. Ta viyerlo en gran no cal so que punchar en la foto.
Entremistanto, poquet a poquet voi rematando es videos que quedan pendients de San Chuan. En uns diyas a viyer si sale ya el primer: “El tesoro d’es Traquibulis”. Astí va un fotograma d’es esploradors que salen en el curto.
Y con este calandario, ya tenén cubierto l’año en toz es lugars. Puncha en la foto ta baixártelo. Per cierto, este cabo de semana son es carnavals de San Chuan. ¡A fer borina per ixas casas!
Ya cuasi son toz…
Aquí tenez el calandario de Saravillo. Ta baixarlo, como siempre: punchando en la foto.
El calandario d’es borches de Bielsa. Como es altros, cal punchar en la foto pa baixárselo. Dimpués tos toca ubrir es 3 foratez d’abaixo con una cuchilleta, recortar las pestañas d’alto, y ficarlas ta’entro pa que se tienga.
Aquí va o calandario d’A Espuña. Puncha en a foto pa baixártelo.
Allegan una mica tarde, pero aquí son es calandarios que han feto es borches de cada un d’es lugars del C.R.A. Ya que es que regalan en cabo d’año no meten las fiestas nuestras, nos hen feto uns que sí que las levan.
El primer de toz, como ya hen dito, el de Chistén. Tos lo podez descargar ta imprimir y montarlo en casa punchando en la foto.
Dimpués de las obras en la escuela de Plan, va tornar a amanixer un cañuto que yera amagau debaixo de tierra fa años. Qui sabe lo que levará dentro…
Cuan quieren, se les entrefilan unas cosas a’s borches de Chistén…
Ya fa uns diyas que nos van dar el trofeo en eTopia, el centro de arte y tenolochía de Zaragoza.
Entre unas cosas y atras, no me heba vagau de meter las fotos. Irene y Victoria no se’l van querer perder y van baixar a replegar el premio. La chent de la Fundación les van fer una cursa per las istalacions y esposicions de eTopia, y per lo que me van contar, se’l van pasar en gran.
Fotos de la entrega de premios: DANIEL PEREZ
Tamíen podez viyer un video que von aprestar ta la ceremonia de la nuestra visita a Linz en setiembre.
