Ya fa uns años que voi fé uns materials didáticos ta’l Gobierno d’Aragón que teneban en cuenta per primé vez a l’aragonés como un área més. Contaban la historia de Lorién y Marieta, que se quedaban aceprenaus dentro de l’ordenadó del suyo pai de cuan yera chicot. Alí drento decidiban diseñá un videochuego.
Ara es he retomau, he renovau las ilustracións y rediseñau belas atividaz, amés de correchí es testos. El resultau el hen emplegau este trimestre en las clases de primaria del C.R.A. Es borches han disfrutau a sabelo.
Con la suspensión de las clases que i hai ara, ye un güen momento ta compartí estes materials y deixalos disposables ta podelos emplegá tanto docéns como alunnau dende las suyas casas. Podez descargalos punchando aquí u en la imachen de Lorién y Marieta.
