El sastre y el muxón

Fa abundantes años, un sastre que viviba en el lugá de Sin, va dí a coser ta Chistén. Como va tené fayena a rienda, cuan va querré torná ta casa, ya se le heba feto de noches. Con la luna, encá se i viyeba, asinas que va emprendé el camín.

sastre01

Cuan yera a metá de cursa, va pasá al canto d’un barzal y se le va enganchá la faixa. En estas que una babieca que yera lucaniando dende un árbol cantaba:
– ¡Mius, mius!

L’hombre, espantau, se pensaba que yera un ladrón que’l agazapiaba ta sacale es dinés qu’heba ganau. Alavez le va contestá:
– ¡Que no, que son míos, que me’s he ganau troballando!
Y la babieca, que no teneba cosa milló a fé , le competiba:
– ¡Mius, mius!

sastre02

Asinas van está toda la noche, basta que al rayá l’alba, el sastre va viyé a la babieca que se le’n rediba de como l’heba feto tontiá. L’hombre le va esbandí:
– Me pensabe que yera un ladrón, ¡y resulta que yere enganchau en un barzal con una babieca féndome la cinguanga! Si en vez de está una barza allegas a está un hombre, ¡te foto una pantegá!

sastre03

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.