¡Norabuena a Itziar, Javier, Julia, Mirta y Simón! El suyo periodico ha resultau un d’es ganadors del concurso que va convocar l’Heraldo escolar ta celebrar es 1000 numeros de la suya publicación. Ixo no quita que’s atros borches del C.R.A. troballasen firme, ¡y fesen uns periodicos bien pinchos!
Y con esta remesa, rematán esta semana tan alparcera. Es borches de San Chuan han feto dos periodicos. Como de costumbre, punchando en la foto se pueden leyer. Es matracos: Héctor, Joel, Mario, Silbán y Teo. Es charramplas: Adrián, Nerea, Raúl y Sergio.
A viyer que nos cuentan es belsetans. Se veye que abundantes cosas, perque da ta dos publicacions… Puncha en las miniaturas pa leyerlo. L’Heraldo d’es ninnos: Carlos, Carymar, Nadia, Natalia, Valeria y Zilia. La prensa belsetana: Alejandro, Jerome, José Antonio, Pedro y Steven.
Continamos rodando per o C.R.A. Aquí son os dos periodicos d’A Espuña. Pa viyerlos, cal punchar en as miniaturas. Naide ye especial: Alex, Izar, Rafa y Victoria. Laspuescolar: Carlos, José, Lucas y Tania.
Estiaño es curtos de la clica tamién serán presents en la programación de Espiello, el «XII Festival Internacional de Documental Etnográfico de Sobrarbe». Se proyetarán El sabado 5 d’abril a las 11:45h en el Palacio de Congresos de Boltaña en la seción Cachimalla, chunto con la pelicula infantil d’animación Ernest…
Pasán a viyer es periodicos de Plan, que’n i hai dos. Disposables ta baixar dende mediafire punchando en las miniaturas. Es planeadors: Audric, Noelia, Reina, Miguel e Isabel. Planenses pe’l mundo: Itziar, Mirta, Julia, Javier y Simón.
¡Es borches de Chistén continan estando noticia! El suyo curto «Uns ninos granizos» ha estau trigau finalista de la categoría «Valores Educativos y Ciudadanos» del Festival de Cine de La Almunia de Doña Godina. L’año pasau ya nos von levar diploma con «Cheleras de berano». A viyer si estiaño toca…
El diario de Chistén. Ta leyerlo, lo mesmo; no cal més que punchar en la foto y baixarlo de mediafire punchando en el botón que mete “DOWNLOAD”. Es superalparcers: Ainara, Henar, Hugo, Iván, Noemí y Valentín.
Aquí van es dos numeros qu’han saliu en este lugar. Ta leyerlo, no cal més que punchar en la foto y baixarlo del servicio mediafire (punchaz en el botón que mete «DOWNLOAD»). La prensa saravillense: Blanca, Cristina, Dani, Diego y Alex. La prensa impresa: Gisela, Martina, Manuel y Sabrina.
Si tos alcordaz, el dotor Escrabazinau fa años que va inventar una maquineta que dichitalizaba tot lo que le meteba. Pos con ixes materials replegaus per toz es nuestros lugars, en primaria hen feto uns murals que’s representan. Asinas, hen puisto viyer parolas del nuestro entorno: petadera, pollín, balandiador, pella,…
