Este sabado a las 20:45h, en el Palacio de Congresos de Boltaña, ye la ceremonia de clausura del Festival Espiello. Alí nos farán entrega del “Siñal Espiello Chicorrón”. ¡A viyer si podén estar con abundantes borches de la clica ta replegar el premio!
¡Norabuena a Itziar, Javier, Julia, Mirta y Simón! El suyo periodico ha resultau un d’es ganadors del concurso que va convocar l’Heraldo escolar ta celebrar es 1000 numeros de la suya publicación. Ixo no quita que’s atros borches del C.R.A. troballasen firme, ¡y fesen uns periodicos bien pinchos!
¡Es borches de Chistén continan estando noticia! El suyo curto “Uns ninos granizos” ha estau trigau finalista de la categoría “Valores Educativos y Ciudadanos” del Festival de Cine de La Almunia de Doña Godina. L’año pasau ya nos von levar diploma con “Cheleras de berano”. A viyer si estiaño toca…
Ya fa uns diyas que nos van dar el trofeo en eTopia, el centro de arte y tenolochía de Zaragoza. Entre unas cosas y atras, no me heba vagau de meter las fotos. Irene y Victoria no se’l van querer perder y van baixar a replegar el premio. La chent…
Dende la comarca del Sobrarbe nos han feto allegar una carta an nos comunican que nos han concediu el Siñal Espiello Chicorrón en la edición 2014 de Espiello, el Festival Internacional de documental etnográfico del Sobrarbe. Seguntes nos dicen, ye un “reconocimiento a la labor de recuperación y dignificación de…
“La Fundación Zaragoza Ciudad del Conocimiento y Etopia Center for Art&Technology, en colaboración con Ars Electronica y el Ayuntamiento de Zaragoza, le invitan a asistir a la ceremonia de entrega de los Premios Paseo Project 2013, que tendrá lugar en el auditorio de Etopia el jueves 19 de diciembre de…
Aquí van unas fotos d’es diplomas de finalistas en el Festival de cine de Zaragoza. ¡Norabuena a’s borches! Agora nos queda asperar a viyer el fallo del churau…
Y ta rematar ya la sesión de fotos, tos cuelgo de la presentación, que encara no me las heban pasau. ¡Y no las podebe fer yo en ixe momento!
Ya son atra vez a la marcheta de toz es diyas: conoixendo a’s compañers nuevos y saludando a’s que son de contino u repiten. Ya més tranquilos y en casa, aquí van una zarpada de fotos de las nuestras aventuras per Linz. Una ciudat bien pincha, de diya y de…
Dimpués d’un largo diya de esperiencias nuevas, son descansando una miqueta en l’hotel ta tornar a prener fuerzas. El maitín ha empecipiau fuerte, con la vesita al Ars Electronic Centre. Lo primer que hen feto ha estau darnos una gambiadeta per tot es montaches e instalacions. I heba un rabaño,…
