¡Esto ye un no pará! Es Cuentos de Cadiera se presentarán dentro del programa d’atividaz de la Feria de Plan. El diya 11 d’otubre en el Salón de la casa del lugá a las 18:00 contarén cuentos y dimpués brendarén con chicolate. ¡Tos asperán!
Continán la chira per es lugás del CRA presentando el proyeto. Este martes 9 serén en la escuela d’A Espuña a las 17:30. al rematá la presentación ¡farén brenda y tot!
Y como no tenén prou de fiestas, el 23 a las 19:00 farén una visita a las de San Chuan. Es nuestros cuentos ubrirán las celebracións del lugá. ¡Nos viyén alí!
Contina la cursa d’es nuestros cuentos. Esta vez, el diya 19 de tardes en la vrispa de las fiestas de Chistén. ¡Nos viyén alí!
El diya 15 a las 22:30 serén d’estreno en Saravillo presentando es Cuentos de Cadiera. ¡Tos asperán!
Dentro de poco,més información. 🙂
El primer trimestre d’infantil el hen adedicau a conoixer y dramatizar cuentos de la tradición oral d’es Pirineus. Con figuretas con imáns y un cuadernillo con las historias, ¡se’l han pasau de pistón!
Un curso més, hen teniu una atividá del Programa Luzia Dueso. Alberto Gracia, mayestro d’aragonés, va venir a contarnos el cuento d’un onset que se diz Belianet. Amés d’ixo, tamién nos va esplicar un poco la vida d’es onsos y, de propina, es borches se van fer caretas. ¡Mersi, Alberto!
Ya se uloran las vacancias y per aquí son rematando lo que queda de fayenas de primaria. Este trimestre hen troballau con la tradición oral d’es nuestros lugars. Hen aprestau ilustracións d’es cuentos que se feban en tiempos en las cadieras, mirando de recuperarlos. Como podez viyer, tenén una ripa…
Esta semana el CEIP Asunción Pañart fa una serie d’atividaz en torno a las luengas que se estudian en el cole. Nusatros farén unas obretas de teatro con el grupo de 5º y 6º. Ya tos contarén que tal han saliu, pero de momento, ¡el vestuario promete!
