Cuentos de cadiera en A Espuña
Continán la chira per es lugás del CRA presentando el proyeto. Este martes 9 serén en la escuela d’A Espuña a las 17:30. al rematá la presentación ¡farén brenda y tot!
Categoría: cuentos
Cuentos de Cadiera en San Chuan
Y como no tenén prou de fiestas, el 23 a las 19:00 farén una visita a las de San Chuan. Es nuestros cuentos ubrirán las celebracións del lugá. ¡Nos viyén alí!
Cuentos de Cadiera en Chistén
Contina la cursa d’es nuestros cuentos. Esta vez, el diya 19 de tardes en la vrispa de las fiestas de Chistén. ¡Nos viyén alí!
Cuentos de Cadiera en Saravillo
El diya 15 a las 22:30 serén d’estreno en Saravillo presentando es Cuentos de Cadiera. ¡Tos asperán!
Ya son aquí…
Dentro de poco,més información. 🙂
Cuentos d’es Pirineus
El primer trimestre d’infantil el hen adedicau a conoixer y dramatizar cuentos de la tradición oral d’es Pirineus. Con figuretas con imáns y un cuadernillo con las historias, ¡se’l han pasau de pistón!
Programa Luzia Dueso
Un curso més, hen teniu una atividá del Programa Luzia Dueso. Alberto Gracia, mayestro d’aragonés, va venir a contarnos el cuento d’un onset que se diz Belianet. Amés d’ixo, tamién nos va esplicar un poco la vida d’es onsos y, de propina, es borches se van fer caretas. ¡Mersi, Alberto!
Trimestre de cuentos
Ya se uloran las vacancias y per aquí son rematando lo que queda de fayenas de primaria. Este trimestre hen troballau con la tradición oral d’es nuestros lugars. Hen aprestau ilustracións d’es cuentos que se feban en tiempos en las cadieras, mirando de recuperarlos. Como podez viyer, tenén una ripa…
Programa Luzia Dueso: Elena Chazal
Gracias al programa Luzia Dueso, el pasau chueves nos va vesitar Elena Chazal ta contarnos el cuento del “Ferrero de Serraduy”. Como podez viyer en las fotos, en poco rato, ¡la clase se va aplenar de diaples!
Semana cultural de las luengas
Esta semana el CEIP Asunción Pañart fa una serie d’atividaz en torno a las luengas que se estudian en el cole. Nusatros farén unas obretas de teatro con el grupo de 5º y 6º. Ya tos contarén que tal han saliu, pero de momento, ¡el vestuario promete!