Fa unas semanas von tené per aquí a dos zagals que belún de seguro conoixez. Pol se ba fé cargo de contá un cuenté d’onsos Entremistanto Chusé debuixaba uns cuantos bichos.
Dimpués la clica de L’Ainsa va fé las suyas prebatinas pintando animals con la aduya de Chusé. ¿A que tos fan goi?
U més bien unas caras. Con el cuento de que voi diseñá con Pilar Benítez unas atividaz ta troballá con las partes del cuerpo, agora soi con es críos guerriando con ixo. Tot lo que fon sale d’una historia que se me va ocurrí emplegando es videochuegos, que me chocan abundante (¡y a’s borches a sabelo!). De primeras, hen pintau como si belas partes de la cara estasen graficos de ordenador, y con un powerpoint dimpués hen chugau una miqueta con es suyos nombres ta aprendelos.
Ta rematarlo, hen feto caras que fan un miedo que ta qué.
Como toz es años, el “Proyeto de animazión arredol d’a luenga e a cultura aragonesa” va torná ta la escuela. El diciembre pasau nos va vení a viyé Felix A.Rivas con “Yo vivo astí”. Nos va decí cómo yeran las casas dinantes, cómo son en atros puestos y tamién von viyé de qué son fetos es tellaus de dinantes y d’ara.
Ixo podriz pensá de viyé que el blog no ha feto patas en estes meses. Pos en la escuela no hen parau; el que pasa ye que entre unas cosas y atras, no me ha vagau de escribí per aquí.
El zagué que von fé ye sabé una miqueta més de cómo son las bruixas.
Es més chicoz van pintá y recortá uns debuixos ta fé uns murals:
Es grans, que les fa abundante goi toquineá es ordenadós, van emplegá es suyos debuixos ta aprestá uns powerpoints. Podez viyé beluns a continación:
Pos ixo, que tornán atra vez per L’Ainsa a da ferrete. Ya tos podez aprestá…
Ya fa diyas que von acabá las clases d’aragonés, pero encá tenebe cosetas ta fé una zaguera entrada. Es borches van discurrí bels cuentos con uns presonaches y lugás que les voi decí. Bruixas, prencipes, princesas y dragóns se van apasiá pe’l castiello de L’Ainsa, el dolmen de Tella y basta per bel ibón ta capuzase con la calor.
Que pasez buen verano y ¡a plantá fuerte!
¿Sabez que nusatros tenén crabacín, caixals, mans y clavillás? Y més cosas que se viyen en es debuixos.
L’atro diya nos van fé una vesita Ángel y Toche. Els son “A Chaminera” y van vení con el “Proyeto d’animación arredol d’a luenga y la cultura aragonesa”. La suya atividá se diz “Fendo matematicas”, y ye un taller ta aprendé matematicas con chuegos, cancións, adovinetas…
Astí tenez unas fotos con es borches que fan aragonés.
Cuan empecipiaba el curso es borches d’aragonés se van fé un chuego ta ellos que se diz “¿Quí ye quí?”. Tiens que está dos ta chugá, y cal adoviná l’animal que se le entrefila a l’atro. Si quies fétene un, puez baixate lo preziso de aquí. Tiens basta una caixeta ta replegate toz es animals.
¿Cómo se chuga? Bien fácil. Primé espardes es bichos per la mesa. Dimpués vas fendo preguntas una dezaga d’atra, a las que sólo pueden decí “sí” u “no”:
¿Tiene coda?
¿Tiene orellas?
¿Ye gran?
…
Seguntes el que diga l’atro, vas replegando es animals que veigas que no cumplen con el que preguntes. Cuan sepas seguro cualo ye l’animal de l’atro, el dices. Si enciertas, ganas, y si no, pierdes la vez.
Os bichos de “Quí ye quí”:
auca, petré, zapo,teixón, paniquesa, ixingardana, bobón, güella, saltapraus, can, berigüeta, apaput, chizardo, rabosa, limaco, coniello, pulz, gurrión, relemeco, mixín, babieca, aliga, falcón, craba.
Olga
¿Án será San Chorche? Nusatros sólo hen visto dragóns…
