Las que hen feto en clase, que las d’es praus son de cantals, madera y loseta. Cada un se la va fé como va queré, con més u menos bichos, y con més u menos mesacherío.
Ah, cal dale las grazias a Abel, el mayestro en prácticas de Laspuña, que nos va fé belas fotos con el suyo móvil. Me voi espiguardá y no voi trayé la mía camara… Ara a viyé si rematán con es carnavals!
Cuatro rabosas con fambre y cuatro cunils gordos que fienden. Fica a’s coniellos dentro del corralé, que si se quedan difuera, mala vida les aspera.
Cuan yere chicot a yo me feban el cuento de la raboseta. Asinas que, per qué no contálesne as borches d’infantil y que s’en levasen un ta casa?
Quies saber como ye? Astí’l tiens.
No’n teneben prou con es “collages” que von fé con las partes del cuerpo, que encá von fé unas caras fierizas de tot. Podez viyelas en la nuestra sala de esposicións. Punchaz en la foto.
El 17 de Chiné ye San Antón. En la Val de Chistau fan buena borina con es trucos. Ixa noche, dimpués de fartase de costiellas en la foguera de Saravillo, cal felas baixá rondando per toz es lugás montando buen callaguá. Y si nos entra mala gana, se pizca bel mosé de lo que aprestan per las casas.
Es borches ya se van fé es suyos trucos la zaguera semana en clase. Ixo sí, ya voi pará cuenta de que estasen de papel y sin batallo ta que no rompesen el crabacín en casa… 😉
Ixo ye lo que von tené el zagué chueves con la Chaminera. Ni la frdó nos va sacá las ganas de achuntanos en Plan a sentí cuentos, ditos y cancións. Ara tocará pensá que farén ta’l trimestre siguién, que esto encara no acaba.
Este chueves tenén a las 18:00 el proyeto de animación Luzia Dueso en Plan. El grupo de teatro “La chaminera” pasarán a fé “Literatura oral y tradicional”, que son cuentez de dinantes en aragonés ta’s chicoz (y ta’s grans tamién) con abundante mosica y bels moñacos. Tos asperán en el salón de la casa del lugar.
Ya no fa orache ta di a mirá camparols, que chela todas las noches, pero en infantil estas semanas hen replegau buenas cestas.
¿Quies tenene una ta tú? Pues puncha en la foto y fetela imprimindo el pdf.
Blinca bien luego ta’l mon,
ta trobá bel camparol.
Si te pasan deván,
dimpués a mirá ta’l sol.
Estes diyas son fendo mostruos con las partes del cuerpo. Solo de pensá que me trobase un d’estes per la carrera… Pasaz ta la galería a viyelos punchando en la imachen.
Astí tenez la canción de la Orquestina del Fabirol que van cantá l’atro diya es borches.
Cuan yera chiquinín
¿qué feba el gatolín?
L’aprestabe una caixa
ta que fese pipí;
dimpués de prebatinas
-mama firme chilá-,
encertó a la fin dentro…
¡ya heba aprendiu a pixá!
Tiengo un mixín en casa
que le digo Tringol,
Tringol ye un buen amigo
y d’es gatos campión.
Un diya que tenebe
“nocilla” ta brendá
ta si le feba goi
le’n voi da a prebá.
Prou que si le’n feba…
y como va deixá
el pote laminando
¡sin calelo fregá!
Tiengo un mixín en casa
que le digo Tringol,
Tringol ye un buen amigo
y d’es gatos campión.
Ta que no le fizasen
piollos ni polegáns,
un diya ta la bañera
me’l voi llevá con yo.
Va fuyí zabucando
champús, potes, sabóns…
y encara toz s’alcuerdan
¡d’ixa revoluzión!
Tiengo un mixín en casa
que le digo Tringol,
Tringol ye un buen amigo
y d’es gatos campión.
Tringol ye cazataire,
en ye un d’es millós,
y como contrimuestra
trai ratos y muixóns.
Pero él i fa seguntes
la suya educación
y a cazata nos deixa
¡dencima el cobertó!
Asinas ye este gato,
asinas ye Tringol,
enchugardiu y libre…
y asinas quiero yo.
