Hen ganau el premio “Paseo Project Mini 2013”

Es videos d’es borches de la Clica del Cinca-Cinqueta han resultau ganadors de la primera edición de premio “Paseo Project Mini 2013“, convocau per la Fundación Zaragoza Ciudad del Conocimiento y Ars Electronica.

El churau, integrau per Martin Honzik, diretor del programa U19 Create your World de Ars Electronica; Lucía Serrano, responsable del suplemento Heraldo Escolar; José Manuel Casanova, tenico del servicio de Educación del Ayuntamiento de Zaragoza; Juan Pradas de Milla Digital / Ayuntamiento de Zaragoza; Mariano Salvador, coordinador del programa Paseo Project; y José Carlos Arnal, diretor de la Fundación Zaragoza Ciudad del Conocimiento-,  va decidir conceder el premio valurando el orichinal y acertau emplego de las ferramentas de creación dichital, dentro del campo audiovisual, como vía de conservación y trasmisión de una determinada herencia cultural, en este caso la luenga aragonesa, dentro d’una comunidat, y como una traza de vincular lo tradicional con el mundo contemporaneo a traviés de la creatividat tenolochica.

El premio ye dotau con un trofeo, 1.500 euros destinaus a material escolar tenolochico y un viache ta tres presonas al Festival Ars Electronica 2013 en la ciudat de Linz, Austria, ta presentar el proyeto ganador en la seción del festival U19 Create your World.

Como dicen en un programa de la televisión, ¡vusatros si que valez!

El diploma de finalistas del Festival de Cine de La Almunia

Ayer, en la proyeción d’es curtos finalistas del premio al millor curtometrache “Valores educativos y ciudadanos” de La Almunia, nos van fer entrega del diploma qu’han ganau es borches de Saravillo. Astí tos deixo una foto dinantes de que les ne de este lunes ta que se’l cuelguen en clase. Anque no toz es curtos del C.R.A. han estau premiaus, van felicitarnos abundante per el troballo feto per toz.

01

Son creativos

U ixo ye lo que nos dicen es del Ministerio de Cultura per la nuestra participación en la zaguera convocatoria d’es premios Crearte. Cuenta que les farían goi es nuestros videos…

01

Gaiterman y las bruixas de Trasmoz

Dentro del proyeto d’animación cultural Luzía Dueso de atividaz en aragonés, este martes nos va venir la chent de “Boira” a contarnos la historia de Gaiterman y las bruixas de Trasmoz. A la fin, von acabar bailando al son de la gaita es bailes tradicionals de estas vals. ¡Como se nota que estes borches se las saben de memoria!

Historia d’es videochuegos

Nos paix que es videochuegos fa 4 diyas que son inventaus, pero ya fa més de medio siglo que son con nusatros. Estas semanas de dezaga hen estau estudiando las suyas comencipiaduras y la evolución de las maquinas an marchan.

Ta fer las clases von contar con la aduya del dotor Escrabazinau y la dotora Ababol, dos conoixius cientificos del siglo pasau del Sobrarbe, y con la asociación Retroacción. Gracias a els von poder prebar maquinas d’es zaguers 40 años en clase.

Pero no tot ha estau chugar, que tamién va tocar fer un esamen ta meter a preba la comprensión letora d’es borches con lo que hen estudiau. ¡Ah, pobres! ¡Se las prometeban mui felices cuan van viyer la primera consola en clase!

El 28 de mayo, Luzía Dueso

A pocas no allega estiaño, pero la semana que viene, y chunto con atras atividaz que farén en Pineta, el grupo Boira nos charrará d’es presonaches de leyendas aragonesas.

Per atra parte, el diya 31 de mayo a las 19:00 tornarán a proyetar en Ibercaja Zentrum en Zaragoza el curto “Cheleras de berano”. La fundación Giménez Abad nos convida a acudir como finalistas del “Premio al mejor cortometraje Valores, educativos y ciudadanos” del Festival de Cine de La Almunia. Si belún querrese dirye, que avise dinantes del viernes ta conseguirle pases.