¡Tiengo uns artistas en clase que ta qué! Troballando el proyeto d’es trasportes van fer un mural bien pincho, con señals de trafico y tot. Y como paix un videochuego, ¡encara troballan més a gusto!
Ya ye en Chistén el diploma de finalistas del Fescila
Es borches de Chistén ya pueden colgar en la paré de la escuela el diploma del FESCILA que voi replegar fa uns diyas. Astí es tenez en la foto bien contentos. ¡Norabuena per la vuestra fayena!
¡Asinas da gusto troballar!
Una de las cosas que més s’agradixen de la profesión de mayestro ye el sentirse apreciau per la chen que te rodeya en la fayena tuya: compañers, familias, alunnau… Güe ye un d’ixes diyas. ¡Mersi!
Ya se saben es ganadors del Concurso d’educación vial
Y no, no son nusatros. Siempre no se puede ganar, y como ya sabez, lo importán ye participar. 🙂 Dan la norabuena a’s ganadors y tamién las gracias a toz es que nos hez aduyau a allegar basta la final. No yera mica fácil entrar, cuan son una escuela chiqueta y la triga se fa a base de votos. La idea, que yera que es borches aprendesen de educación vial, la hen conseguiu. Y amés, ¡pasándolo bien!
Ta rematar l’asunto, tos deixán con una entrevista que nos van fer ayere en el Aragón en abierto de Aragón televisión. A la fin, esto tamién nos ha valiu ta reforzar el proyeto d’es medios de comunicación, que basta han veniu a la nuestra clase. 🙂
Proyeción de curtos finalistas y ganadors del FESCILA 2015
Tos recordán que este sabado 6 de chuniol serén en la proyeción de curtos finalistas y ganadors de la categoría “Valores sociales y ciudadanos” del Festival de Cine de La Almunia. Será en el Caixa Fórum de Zaragoza a las 11:15. ¡”La tele incantada” de Chistén tos aspera!
Maitín, en Edutopía 2015
Maitín, la esperiencia “Cine en aragonés” será presén en las chornadas de innovación educativa Edutopía 2015. Nos viyén en el edificio e-topia de Zaragoza, a las 9:45 en l’aula 4.
"La historia d’Alcatraz", finalista del Festival internacional Cinema Jove
La historia d’Alcatraz, atro d’es curtos que va fer la escuela de Plan el curso pasau, ha estau trigau como finalista de la 30 edición del Festival Internacional de Cine de Valencia, Cinema Jove. Participará en la seción oficial “Encuentro audiovisual de jóvenes”. Si tos alcordaz, l’año pasau von ganar el 2º premio con “A espluga asesina” de la escuela d’A Espuña. A viyer estiaño si tamién i hai suerte…
Per cierto, aquí tenez el curto, que encara no’l heben estrenau. ¡Asperán que tos faya goi!
"El videojuego más alucinante", ganador del Fescila
Tos deixán el vídeo que ha ganau la categoría de “Valores educativos y ciudadanos” en el Festival de Cine de La Almunia.
¡Norabuena a’s compañers del CEIP Vicente Ramos de Valderrobres!
Si tos alcordaz, nusatros participaben con “La tele encantada” de Chistén. El 6 de chuniol i dirén a replegar el diploma de finalistas ta en la proyeción de curtos finalistas y ganadors que fan en el Caixa Fórum de Zaragoza.
En es medios
Aquí va la repercusión en medios d’es finalistas. 🙂
Noticia en Radio Sobrarbe:
Sobrarbe digital:
Y asperaz, que encara tendrén més nuevas con atras cosas… 😀
¡Finalistas!
Dos d’es tres curtos que von presentar la escuela de Fiscal, han entrau en la final d’es “Premios Nacionales de Cortometrajes de Educación Vial“. Querrén dazos las gracias a toz es que nos hez aduyau con el voto vuestro. Sin vusatros no habría estau posible. Ara nos queda asperar a la decisión del churau. A viyer si i hai suerte… 🙂
