Atro curso pasau y ara toca descansá. Nos despedín con este vídeo recopilatorio del curso. ¡Que pasez güenas vacancias!
Moñacos de cuento
En el tercé trimestre en infantil hen aprovechau es “Cuentos de Cadiera” ta aprendé a recitalos y conoixé belún d’es suyos protagonistas: la raboseta, es dedos, es lacuercos… ¿A que ha quedau majo?
Tercé trimestre de cine
Como ya ye habitual, estes zagués meses hen estau grabando es curtos del proyeto de innovación “Cine en Aragonés”. Ta dimpués de las vacancias a viyé si empecipian es estrenos…
Cuentos de Cadiera, en el «Blog de experiencias» de Formación de Profesorado
El «blog de experiencias de aula» de Formación del Profesorado del Gobierno de Aragón ha publicau un artículo sobre el proyeto «Cuentos de Cadiera». Como ya sabez, esta web recopila troballos en las aulas de la comunidá interesantes ta que puedan conoixelos atros docéns y tomá ideas ta las suyas escuelas. Ye el segundo artículo en este curso que han adedicau a la nuestra fayena. Podez leyelo punchando en la foto u aquí.
Charrá en el “Centro de Profesorado María de Ávila”
El diya 20 a las 18:00 seré fendo una charrá sobre “Técnicas y usos del cine en la escuela” en el “Centro de Profesorado María de Ávila” (@cpmariadeavila) de Zaragoza. Alí contaré la mía esperiencia d’estes años emplegando el cine como una ferramenta d’aprendizache dentro de l’aula.
Cuentos de Cadiera: Las tres fillas
De Saravillo nos allega una historia prou somarda.
Puez conseguila en la nuestra tienda punchando en la portá del cuento. Si metes el código ONESHIP cuan fayas la tuya compra, es gastos de ninvio son de baldes con correu económico, u al 50% con correu terrestre.
Con este cuento ya son disposables las 15 primeras publicacións d’esta coleción, que s’ha tornau en la més gran en aragonés adedicá al público infantil. Asperán que la disfrutez y que en un futuro podián continala con nuevas historias.
En la prensa…
¡Esta semana von servius!
La revista “El mundo de los Pirineos” adedica una chiqueta reseña a la escuela de Chistén y al chistavín a traviés d’es “Cuentos de Cadiera“.
Amés, es suplementos escolás del Diario del Alto Aragón y Heraldo de Aragón se fan repercusión del troballo de la escuela d’A Espuña con las civilizacións antiguas en Ciencias Socials.
Cine en aragonés, en el “Blog de experiencias” de Formación de Profesorado
El “blog de experiencias de aula” de Formación del Profesorado del Gobierno de Aragón ha publicau un artículo sobre el nuestro proyeto “Cine en Aragonés”. Esta web recopila troballos en las aulas de la comunidá interesantes ta que puedan conoixelos atros docéns y tomá ideas ta las suyas escuelas. Podez leyelo punchando en la foto u aquí.
Un año més en Utopías educativas
El 1 de chuniol que viene tornarén a este encuentro d’esperiencias educativas innovadoras con es “Cuentos de Cadiera“.
Contarén el nuestro troballo a atros docéns y aprenderén cosas que se puedan aplicá al nuestro centro, que cal renovase de contino en esta profesión. Tos deixán con el vídeo de presentación ta Utopías.
Cuentos de Cadiera: El Silván de Tella
La conoixita historia de Silván, una bestia que viviba en las montañas de Tella, contata per ninas de la escuela de Bielsa.
Ya ye a la venta en la nuestra tienda punchando en la portata del cuento. Si metes el código LULU15 cuan fayas el pediu, tendrás un 15% de descuento.