¡Es borches de Chistén continan estando noticia! El suyo curto “Uns ninos granizos” ha estau trigau finalista de la categoría “Valores Educativos y Ciudadanos” del Festival de Cine de La Almunia de Doña Godina. L’año pasau ya nos von levar diploma con “Cheleras de berano”. A viyer si estiaño toca…
Heraldo de Chistén
El diario de Chistén. Ta leyerlo, lo mesmo; no cal més que punchar en la foto y baixarlo de mediafire punchando en el botón que mete “DOWNLOAD”.
Es superalparcers: Ainara, Henar, Hugo, Iván, Noemí y Valentín.
Heraldo de Saravillo
Aquí van es dos numeros qu’han saliu en este lugar. Ta leyerlo, no cal més que punchar en la foto y baixarlo del servicio mediafire (punchaz en el botón que mete “DOWNLOAD”).
La prensa saravillense: Blanca, Cristina, Dani, Diego y Alex.
La prensa impresa: Gisela, Martina, Manuel y Sabrina.
Periodistas en el C.R.A.
Con la fin del trimestre y aprovechando que son participando en un concurso del Heraldo escolar, esta semana que viene allegan a’s lugars del C.R.A. uns periodicos nuevos. Tos contarén noticias de la redolada, nacionals, internacionals, de deportes… Y si no, nos las inventarén. Y lo millor de tot, ¡de baldes!
Como podez viyer, es equipos de redación han troballau firme (u l’han feto viyer ta la foto…). Pero es periodicos han quedau bien polius. A viyer si i hai suerte en el concurso…
Vacacions en la playa
El verano ye ta esgangoliar, no ta estudiar. Ixo ye lo que piensan es borches de San Chuan…
Proyeto Luzía Dueso: La chaminera
Ayer en la trobá de convivencia del C.R.A. von tener una atividá del proyeto Luzía Dueso en la casa d’es titeres d’Abizanda. Angel Vergara, de la Chaminera, nos va enseñar cosetas sobre istrumentos tradicionals y bela historia de lobos y gaiters.
Y més entrevistas per es curtos
Esta ye d’ayer, en el programa “El tranvía verde” d’Aragón Radio.
Diya de la lengua materna en el informativo de Aragón tv
Pos ixo, que basta Aragón tv s’ha feto eco de la proyeción d’esta tarde…
Diya de la luenga materna
El diya 21 de febrer ye el diya internacional de la luenga materna. En Aragón s’han programau varias atividaz ta reivindicar l’aragonés. A nusatros nos han convidau maitín a fer la proyeción d’es curtos d’es borches en el Centro Cultural Joaquín Roncal de Zaragoza. Alí serén contando las nuestras delerias. A continación tos deixo el cartel con tot lo que se fa:
Ayer von salir en el periodico
En el numero d’este domingo del Diario del AltoAragón va salir una entrevista sobre es videos que fon en el C.R.A. Tos deixo el pdf. Ta viyerlo en gran no cal so que punchar en la foto.
Entremistanto, poquet a poquet voi rematando es videos que quedan pendients de San Chuan. En uns diyas a viyer si sale ya el primer: “El tesoro d’es Traquibulis”. Astí va un fotograma d’es esploradors que salen en el curto.
