Cuan un piensa que las clases d’aragonés en el C.R.A. Cinca-Cinqueta yeran ta 71 borches (70% de l’alunnau) y que este blog ha teniu més de 5000 vesitas estiaño, no se puede decir cosa més que: ¡MERSI!
Asti van toz es numeros:
Aquí i hai un resumen:
Un tren suterráneo de la ciudá de Nueva York trasporta 1.200 presonas. Este blog van viyerlo arredol de 5.000 veces en 2014. Si estase un tren de NY, le costaría cerca de 4 viaches trasportar tantas presonas.
Mira que no chugo a la lotería, y m’ha caito el gordo con el troballo. Este curso soi tutor en el CRA Alto Ara de 1º y 2º de primaria, y dimpués d’este trimestre, puedo decir que soi como en casa, con uns compañers que valen un valer, unas familias majismas, y un alunnau con el que da gusto dir a troballar diya sí y diya tamién.
El CRA troballa Conoximento del medio (Ciencias socials y naturals en LOMCE) per proyetos, asinas que nos toca fernos es materials. Per un canto ye fayena, pero per atro, puez diseñar cosas que s’achustan a lo que quiers fer tú, a la mida d’es borches tuyos, y sin tener que tragar con libros de testo mediocres. Ta’l tema del cuerpo humano hen puisto fer uns cuadernillos y un mural granizo estando es borches es protagonistas. Encara m’habría feto goi troballarlo una mica més, pero el tiempo da ta lo que da. ¡A viyer que nos deparan es siguiens trimestres! 🙂
S’acaba el trimestre y toz von rematando fayenas. Este maitín que me vagaba, he puyau a viyer a compañers y alunnau del C.R.A. Cinca-Cinqueta ta felicitarles las fiestas. Ye una alegría trobarte con la chen atra vez y que t’aprecien tanto. 🙂
Aparte d’ixo, tenebe pendién una entrega de diploma en Plan: finalistas del Festival de Cine de Zaragoza de’estiaño. Me’s he trobau ensayando el festival de Navidá en la casa del lugar, asinas que alí nos hen feto la foto de la entrega. ¡Norabuena!
El CRA La Sabina de Nuez de Ebro han resultau ganadors de la zaguera edición del “encuentro internacional de escolares” del Festival de cine de Zaragoza con el curto “Víctimas de la crisis”. Norabuena a’s ganadors, qu’han contau una historia, per desgracia, que ye pasando asobén.
Aquí tenez el diploma de finalistas d’es borches de Plan. En cuanto me vague, me paso a ferles entrega del mesmo. A viyer si podese estar con bela distinción més, ¡pero ye complicau con el gran nivel que i hai en esta edición!
Tos recuerdo que este sabado a las 10:00 se proyetará el curto “El diaple per las patas” en el Salón de actos del Caixa Fórum de Zaragoza, como finalista del “Encuentro de escolares” del Festival de Cine de Zaragoza. Alí se fará entrega del diploma, y quedarén a la espía de saber qui gana la edición d’estiaño. ¡Suerte a’s borches de Plan!
Pero este ye ta yo, que no se’l van a quedar tot es borches. 😀
M’entero per Sobrarbenses que el Centro de Iniciativas Turísiticas de la Bal de Chistau m’ha concediu el 1º premio de la categoría Relatos en el IV Certamen Cultural Bal de Chistau. Me fa muchisma ilusión perque ye un reconoiximento y un aprecio que me fan la chen de casa. ¡Mersi!
Podez leyer el relato baixándolo d’aquí:
L’hespital de Chistén
¡Ah! ¡Y norabuena a toz es ganadors!
Y per tercer año consecutivo, el CRA Cinca-Cinqueta será presén en el XIX Festival de Cine de Zaragoza dentro de la categoría “Valores educativos y ciudadanos”. En esta ocasión participará con el curto de la escuela de Plan “El diaple per las patas”. Norabuena a’s borches, y ¡suerte en la competición! 🙂
Dende fa uns diyas, es videos que hen feto es zaguers años en el CRA Cinca-Cinqueta son replegaus en el portal educativo Eduland como recurso didatico d’enseñanza. Les dan las gracias per la difusión que fan al proyeto de traza seria, no como atros ta’s que ya no esiste per no querer comulgar con rodas de molín. ¡Piyor ta els! 🙂
Publicau pe’l Diario de L’Alto Aragón fa uns diyas. Blanco y en botella…
