Este trimestre nos ha tocau estudiar es medios de comunicación. Una de las cosas que von fer, ye esta presentación sobre cosas que conoixeben: puncha ta viyerlo.
Y ta rematar la fayena, basta nos ha vagau de fer dos periodicos, ta conoixer como se fan y como se redatan las noticias. Se vei que me voi quedar con ganas de ferne més dimpués del curso pasau. 😀
Ta leyerlos no cal més que punchar en las portadas.
Eclipsaus
Este maitín hen teniu entretenimento a saberlo con l’eclipse de sol. Cosa normal, perque no toz es diyas en i hai un. 🙂
Gracias a’s pais de la nuestra clase, hen puisto viyer con un filtro como poquet a poquet la luna tapaba el sol sin que nos fese mal a’s güellos. Hen aprendiu que i hai maneras bien fácils de viyerlo: no cal més que foradar con un punchón un papel y meterlo al sol ta que faya güembra. ¡Miraz cuantos eclipses nos han saliu!
Entre que yeren troballando mates, que tamién cal troballar d’atras áreas, hen diu seguindo el eclipse per internet en la web del Espacio 0.42.
¡Ah! No tos olvidez de continar votando al nuestro curto de Educación vial una vez al diya. Ya tenén més de 500 votos, ¡mersi!
http://bit.ly/cortosfiscal
La semana que viene, ¡el segundo capitulo! 🙂
De camino al cole de Fiscal (capítulo 1)
Este trimestre en la escuela de Fiscal hen estau troballando educación vial. Hen feto una miniserie de tres capítulos de un minuto. Alí contán cómo cal dir ta la escuela del lugar, parando cuenta de las normas que cal seguir y es periglos que nos podén trobar.
La serie la hen presentau a’s “Premios Nacionales de Cortometrajes de Educación Vial“. Si tos fan gois es vídeos, votaznos ta poder estar finalistas del concurso. ¡Cuantos més diyas nos votez, més posibilidaz tenén d’allegar a la final! Podez aduyarnos entrando ta la web del concurso. Puncha en el botón d’abaixo y deixa el tuyo voto. Tamién puez compartirlo en facebook o en twitter:
Aquí tenez el primer capítulo.
Y en el Diario del Alto Aragón
En la seción escolar d’este diario tamién son noticia es borches de la escuela de Bielsa y Plan con es curtos nuevos suyos. ¡Chiquez, tos farez famosos!
En l'Heraldo escolar
Es estrenos d’es zaguers curtos de Bielsa y Plan son protagonistas en l’Heraldo escolar con ocasión del “diya de la luenga materna” del pasau 21 de febrer. Punchando en la foto se vei més gran ¡Norabuena pe’l vuestro troballo!
¿An ye el can?
Un cazataire ha cacegau el can. Unas amigas l’aduyan a trobarlo.
Video feto per es borches de la escuela de Plan del C.R.A. Cinca-Cinqueta en 2014.
Fiesta de cumpleaños
Maitín ye el diya de la luenga materna, e que millor ta celebrarlo que estrenando video nuevo. ¡Las ninas de Bielsa se’l montan prou bien en es cumpleaños!
La clica del Cinca-Cinqueta participará en el diya de la luenga materna
El 21 de febrer la Unesco celebra el diya de la luenga materna. Dende ya fa uns años, es curtos del CRA Cinca-Cinqueta fan presencia en esta celebración, formando parte del Festival Cantar, chugar e charrar. La tercera edición será este sabado en el Centro de Historias de Zaragoza, en la plaza San Agustín a las 18:00. I hai més atividaz arredol de l’aragonés en este diya. Podez consultarlas en:
http://luengamaterna2015.blogspot.com.es/
Atra vez en la prensa, y van…
Este sabado sale este blog en el Diario del Altoaragón. Ni sé ya las veces que entre unas cosas y atras, tot lo que hen feto en aragonés en el C.R.A. Cinca-Cinqueta ha estau noticia en medios. ¿Qui diz que en la escuela rural no se puede aprender lo mesmo u millor que en una escuela gran? Sólo cal chen implicada, y chen profesional en es puestos de responsabilidá (chusto lo que nos falta…). Punchando en la imachen podez viyer la seción en la web del periodico.
La tele incantada
Una mica tarde allegan, pero aqui son es reis de la clica del Cinca-Cinqueta: ¡l’estreno de un nuevo curto!
Es borches de Chistén per estar desmasiau alparcers se meten en un problema bien gran…