Esta semana von estar en Lecina el primer ciclo del CRA Alto Ara. De la man d’una atividá del “Geoparque de Sobrarbe” von conoixer como yera la vida d’es primers pobladors de la comarca y como van fer las pinturas rupestres que podén trobar cerca d’este lugar. Amés von poder viyer la carrasca milenaria, un árbol monumental d’Aragón. La iniciativa ye mui buena, perque permite conoixer la cultura y la diversidá de la comarca nuestra dende la escuela. ¡Aspero que contine per abundantes años!
¡Queda poco ta conseguirlo!
El 15 de mayo ye el zaguer diya que se puede votar a’s curtos de educación vial de Fiscal que participan en es “Premios Nacionales de Cortometrajes de Educación Vial“. Precisán que nos dez una mica més d’apoyo ta conseguir estar finalistas. Alcordazos de votarnos toz es diyas a’s tres vídeos y de compartirlos con es botons de facebook y twitter del concurso. Tenez es enlaces al voto al canto a la dreta de la web.
Ye increyible viyer como una escueleta de 30 borches ha conseguiu allegar a més de 2000, 1500 y 1000 votos ta cada vídeo. ¿Qui diz que en la escuela rural no se puede conseguir una educación de calidá en la que se fayan cosas bien pinchas? 🙂
Cine en aragonés en Edutopía 2015
El proyeto “Cine en aragonés” que von levar a cabo es zaguers tres cursos en el C.R.A. Cinca-Cinqueta será una de las ponencias de Edutopía, el congreso de esperiencias innovativas en l’aula que se fa en Zaragoza a la fin de mayo. Cuasi 30 curtos que s’han tornau en el principal referén de material didático audiovisual ta l’aula que i hai en aragonés.
O esamen clonau
Os borches d’A Espuña tienen a zocega de marchar ta o parque d’atracions, y sobre tot, vesitar a galería d’espiellos. Cuan tornan ta o lugar, empecipian a pasar cosas raras.
Video feto per os borches d’a escuela d’A Espuña del C.R.A. Cinca-Cinqueta en 2014.
Vesitando Cachimalla en Espiello
Un año més, es vídeos d’aragonés del C.R.A Cinqueta han estau preséns en Espiello. Cal agradeixer al festival l’apoyo que da a las iniciativas audiovisuals d’es centros de la comarca, dando difusión a estes troballos. El publico que ha asistiu ha puisto viyer “O esamen clonau”, “La tele incantada” y “Fiesta de cumpleaños” ¡Asperán que tos haigan feto goi!
La clica torna ta Espiello
Este sabado, como ya ye costumbre, serén en la seción Cachimalla de Espiello, la sesión de cine adedicada a’s més chicoz. Podrez viyer tres d’es curtos que von fer el curso pasau. Un d’els ye un estreno: “O esamen clonau” d’es borches d’A Espuña. Tos asperán el 18 d’abril a las 11:30 en el Palacio de Congresos de Boltaña. 🙂
Per cierto, ¡acordazos de votar a’s curtos d’educación vial! Tenez es enlaces alto, al canto a la dreta. ¡A viyer si’l conseguín! ¡Mersi! 🙂
De camino al cole de Fiscal (capítulo 3)
¡Ya hen tornau de vacacions! Ta meternos en marcha, aquí va el zaguer capitulo de la serie de educación vial que hen feto en Fiscal:
Agora tos toca a vusatros aduyanos. Tenez que votar a’s tres vídeos que hen presentau. Aquí tos deixan es enlaces:
http://bit.ly/cortofiscal_3
http://bit.ly/cortofiscal_2
http://bit.ly/cortofiscal_1
Recordaz que podez votar cada diya a’s tres vídeos dende cada conesión d’internet que tenguiaz. El primer curto ya tiene més de 1000 votos, y el segundo, cuasi 500. ¡Mersi!
Espiello d'arredol
S’acerca la edición 2015 d’Espiello. Este viernes se celebrará en el castillo de L’Aínsa una proyeción con documentals que tienen que viyer con Sobrarbe. Un d’els ye “El comedor ecológico, un aula más”. Voi tener l’honor de colaborar en la suya grabación con José Luis Cabrero, el cociner del CEIP Asunción Pañart de L’Aínsa. Si no’l hez visto encara, ¡no tos lo perdiaz!
La tele incantada, al Festival de Cine de La Almunia
Ta no perder el costumbre, el C.R.A. Cinca-Cinqueta y l’aragonés será atro año més finalistas en la categoría escolar del Fescila, XX Festival de Cine de La Almunia ¡Y van ya ni’l sé de veces! Participarén con el curto de Chistén, “La tele incantada”. ¡Norabuena y suerte!
[youtube=https://www.youtube.com/watch?v=owjBOzvyWeA]
De camino al cole de Fiscal (capítulo 2)
Aquí tenez la segunda parte del camín al cole de Fiscal.
El primer curto ya tiene més de 700 votos. ¡Mersi! Agora tamién cal votar al segundo, ta que podián allegar a la final con toz. Podez votar entrando en este enlace:
http://bit.ly/cortofiscal2
Como bien sabez, podez votar una vez al diya dende cada línia d’internet que tenguiaz.