Ara ya no puedo fer clases d’aragonés, asinas que me he tornau un nini y cal cambiar de nombre: el nini del Zinka-Zinketa. Amés, encara quedan cosas per fer, y dimpués de 6 años de troballo en el blog, tamién ye una pena deixarlo cacegar. Continarén dando guerra… 😉
Mutos ya’l sabez, pero per si ancaso, tos comento que en el curso 2013-2014 no continaré en el C.R.A. Cinca-Cinqueta. Han estau cuatro años que nunca olvidaré, segurament d’es millors de la mía carrera profesional, y tamién de la mía vida presonal. Trobaré falta ixes hibiernos que me entraba el sol…
Esta ye d’ayer, en el programa “El tranvía verde” d’Aragón Radio.
[youtube=http://www.youtube.com/watch?v=c3KvdBn8UxM]
Me pienso que queda claro… Fotos: Sobrarbenses, Lucía Mur.
Curso nuevo, compañés nuevos, borches nuevos, escuelas nuevas (buen, ixo cuan rematen las obras de Plan :D)… A viyé qué fon en clase estiaño… ¡Ganas de troballá no’n falta!
Pos ixo, que ta’l curso 2012-2013, torno pe’l C.R.A. Cinca-Cinqueta a da mal. Nos viyén en setiembre, si no ye dinantes!
Bueno, més bien que no. Es chicorrons se van fé a fin de curso un chuego de parellas como el que von emplegá en clase to’l curso, ta chugá en casa. D’ixa traza a viyé si s’alcuerdan del vocabulario qu’hen troballau estes trimestres. No i hai cosa milló que aprendé…
A cualquiera que le digas que tiene la nevera plena de cucos, de seguro que se espanta abundante. Pos d’ixo se trataba esta atividá. Es ninos de primaria se van fé uns imáns con cucos que podén viyé per aquí, ta dimpués tomales el pel a’s pais suyos en casa….
