Ta rematar la semana, tos recordán que este sabado a las 10:00 AM tenén una cita en el “4º Certamen Internacional de Escolares” del “Festival de Cine de Zaragoza”. Se proyetará “Las pastilletas” de la escuela de San Chuan, chunto con el resto de finalistas en el Salón d’Atos de Caixaforum Zaragoza (C/ José Anselmo Clave, 11) con entrada libre.
¿An ye el can? en la XII Muestra de Realizadores Oscense
Si el martes le tocaba a la escuela de Saravillo, esta tarde ye ta la escuela de Plan. El curto “¿An ye el can?” será proyetau a las 20:45 en el teatro Olimpia de Huesca dentro de la XXI edición de la “Muestra de Realizadores Oscense“.
El curto tamién sale nombrau en el Diario del Alto Aragón.
Y encara nos queda més citas con el cine esta semana… 😉
Fosals en L’Aínsa
Estes diyas de dezaga s’ha celebrau Toz es Santos, pero tamién Halloween, un costumbre que en es zaguers tiempos s’ha metiu de moda. Ye normal, ya que fer comedia con disfraces y fartarse de lamíns ye un buen plan ta’s borches. Dende las mías clases ya fa uns años que miro de fer viyer que en Aragón tamién i hai tradicións paixidas y que no conoixén, como per ixemplo, La nuet de las Animas de Radiquero.
Pero como lo que més les choca a’s chicoz ye l’asunto del miedo y es disfraces, con el cuento de tornarse mostruos, hen montau un fosal con zombis, vampiresas, hombres y mullers lobo… Una desincusa como cualquier’atra ta conoixer partes del cuerpo en aragonés sin que se den en cuenta. 😉
Una semana de cine
Esta semana von a estar bien ocupaus per ixes mundos con las nuestras películas, asinas que tos dirén dando noticias pe’l blog.
Esta tarde se proyeta en Huesca dentro de la “XXII edición de la Muestra de Realizadores Oscense” el curto de Saravillo “La era d’es dinosaurios“. Será a las 20:30 en la Diputación Provincial. El Diario del Alto Aragón s’ha feto eco del troballo de las escuela de Saravillo en el reportache sobre la muestra.
Continarén informando, que encara tenén més citas con el cine, y amés en L’Aínsa ya empecipian a rematarse las primeras atividaz fetas en clase. ¡Caldrá enseñarlas! 🙂
En el Diario del Alto Aragón
Son noticia en la seción escolar del Diario del Alto Aragón. 🙂
Atra sobre premios
Me cuentan del Centro de Iniciativas Turísiticas de la Bal de Chistau que en el V Certamen cultural que organizan he quedau segundo en el concurso de relatos con “La lit” (si quies leyerlo, puncha en el nombre ta baixarlo) y tercer en la convocatoria de foto, con esta marmota tan pincha.
Como siempre, me fa abundante ilusión recibir premios, y més cuan vienen de la val. Cal agradeixer el troballo que fan cada año convocando el certamen, que asinas s’anima una miqueta el panorama cultural d’estes lugars. Ah, y ¡norabuena tamién a’s atros ganadors!
"Las pastilletas" finalista del Festival de Cine de Zaragoza
Un año més, l’aragonés y el CRA Cinca-Cinqueta será presén en el Festival de Cine de Zaragoza. El curto “Las pastilletas”, de la escuela de San Chuan ha estau trigau como finalista en la seción “4º Certamen Internacional de Escolares”.
El diya 14 de noviembre se proyetará chunto con el resto de finalistas en el Salón d’Atos de Caixaforum Zaragoza (C/ José Anselmo Clave, 11) con entrada libre.
Aprovechán la noticia ta fer l’estreno del curto, que encara el teneben pendién. ¡Norabuena y suerte, borches!
Cine en aragonés será presén en "Otoño imagen"
“Otoño imagen” ye un conchunto d’atividaz que tienen como leitmotiv el mundo de la imachen. Dentro del suyo programa se celebra la “Muestra de Realizadores Oscense” entre el 9 y 12 de noviembre.
El nuestro proyeto “Cine en aragonés” participará en las proyecions de la XXII edición con es curtos “La era d’es dinosaurios” de la escuela de Saravillo (10 de noviembre), y “¿An ye el can?” de la escuela de Plan (12 de noviembre).
Tenez toda la información en la web de La Asociación Oscense de Realizadores Audiovisuales:
http://www.realizadoresoscenses.com/
La borina de clase
Nuevo vídeo, esta vez, de la escuela de Bielsa. Estes borches troballan dica cuan no i ye el mayestro. U ixo paixeba…
Os famosos, en o periodico
Si l’atro diya feben l’estreno del zaguer curto que quedaba pendién en A Espuña, este maitín nos l’hen trobau en l’Heraldo escolar, fendo mención al Diya Europeo de las Luengas. ¡Norabuena mesaches!
P.D: s’han pasau una mica en el titular, que encara no hen arribau a’s 30 curtos. Pero tot ye custión de tiempo… 😉